SUPERBALITA CEBU

68 bag-ong kaso sa Covid sa Lalawigan; 503 aktibong kaso

MOABOT og 503 ka active nga mga kaso sa coronavirus disease (Covid-19) ang natala lukop Lalawigan sa Sugbo sa Martes, Hunyo 23, 2020.

Kini maoy gipahibaw ni Cebu Governor Gwendolyn Garcia sa iyang inadlaw nga press conference sa Kapitolyo.

Base sa datos sa Probinsya, 68 ang bag-o niini.

Sa maong gidaghanon, 110 ang symptomatic, 267 ang asymptomatic samtang 126 ang anaa sa mga ospital.

Niabot na og 166 ka mga pasyente sa Covid-19 ang naulian, apan 61 na usab ang nangamatay.

Sa kinatibuk-an, moabot na og 730 ang kinatibuk-ang mga kaso sa Covid-19 sa Lalawigan sukad niadtong Marso ning tuiga hangtod sa Hunyo.

Samtang nakatala usab og 71 ka mga indibidwal nga nakasinati ug Influenza like illness (ILI) sa mga Rural Health Unit. Hinuon walay natala nga kaso sa Severe Acute Respiratory Infection (SARI).

Ang Lalawigan sa Sugbo gipailawom sa general community quarantine (GCQ). (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph