GIPAABOT sa Police Regional Office (PRO)-Northern Mindanao nga 12,691 na ka mga travel authority ang sumatotal nga naisyu sa kapulisan.
Gikinahanglan ang travel authority alang niadtong mogawas na sa rehiyon ug moadto sa laing rehiyon.
Bag-o lang usab giwala ang kamandoan nga pangayoan og travel authority ang mga mogawas ug mosulod sa usa ka lalawigan ngadto sa usa ka highly urbanized city.
Atol sa pagpatuman niini, moabot 12,691 ka mga travel authority ang naisyu ngadto sa mga locally stranded individuals (LSI) kung asa sila naggikan paingon sa ilang destinasyon nationwide gumikan sa quarantine protocols.
Moabot sab sa 5,144 returning overseas Filipinos (ROF) ug 14,441 indispensable/emergency Travel ang naisyuhan og travel authority.
Pabilin nga giawhag sa PRO-Northern Mindanao ang kominidad nga magpuyo sa tagsa-tagsa ka puloy-anan labina kon sila walay importante nga mga transaksyon.
Mahimo lamang nga mogawas sa puloy-anan kung mopalit og pagkaon ug medisina ug uban pang essentials na kagamitan samtanf ubos pa ang rehiyon sa general community quarantine hangtod karon Hunyo 30.
Apela sab sa PNP-Northern Mindanao nga mosubay sa mga guidelines sa mga awtoridad labina ang pagpuyo sa balay aron mapreventahan ang pagkuyanap sa Covid-19.
Ipadayon ang kahapsay ug kalinaw ug likayan ang pagpakalat og peke nga inpormasyon nga maoy hinungdan sa kataranta sa katawhan.