ESTRIKTONG gipatuman sa Civil Aviation Authority of the Philippines (Caap)-Northern Mindanao ang mga health protocols alang sa mga pasahero nga mogawas ug sulod sa Laguindingan Airport.
Gibutyag ni Ariel Paderan, personahe sa Caap-Northern Mindanao, nga tanan nga moabot sa airport gipaubos og temperature checking ug ang gisakyan gipaagi sa tire baths.
Gitugotan lamang makasulod sa bisinidad sa airport ang driver ug pasahero nga mobiyahe.
Gawas niini, ang tanan nga mga mobiyahe pangitaan gyud og health certificate ug travel authority.
Wala sab gitugot sa Caap ang mga motabo ug mohatod sa pasahero aron mapatuman ug ma obserbar ang social distancing.
Kung aduna man nagpositibo o naay sintomas sa pagbiyahe ang di tugotan sa pagbiyahe ug gisiguro nga anaa kini ipahimutang sa isolation unit.