BISAN pa man nga pulos returning overseas Filipino (ROF) ug mga locally stranded individual (LSI) ang mga nagpositibo sa coronavirus sa Misamis Oriental, gipaabot ni Misamis Oriental Governor Bambi Emano nga luwas nga makapauli ngadto sa ilang pamilya nga nagpaabot dinhi sa probinsya.
Aminado si Emano nga adunay mga aprehensiyon sa pagdawat kanila apan gikinahanglan nga sila pagadawaton kay labihan na ang gihimo nga sakripisyo gikan pa gawas sa nasud paingon sa kaulohan ug pagpauli dinhi sa lalawigan.
"Kung imong madunggan ang storya gikan sa gawas dugay kaayo wala makita ilang pamilya naningkamot makatrabaho ug makakaon, makapaeskwela sa ilang mga anak pag-abot sa Manila tag tulo ka bulan intawon sila nga gi-isolate pag uli gi-isolate napod intawon and this are pains of an OFW who earns dollars for us actually for our economy unya louy intawon kaayo sila kay sila pa ang naapektuhan ug naigo," matud ni Emano adlawng lunes atol sa virtual flag raising.
Dugang ni Emano nga lig-on ang Provincial Task Force sa pakigbatok sa Covid-19 ug ngani daw ang Misamis Oriental ang pinaka uwahi sa Northern Mindanao nga nasudlan og positibo sa Covid-19.
"The local government unit had been steadfast strong in protecting the residents of Misamis Oriental but we couldn't also deny the entry to locally stranded individual which we called LSI and Returning OFWs because this our brothers and sisters," matud ni Emano.
Ang mga lakang karon nga ilang gihimo mao kining malikayan ang local transmission, hinungdan gipangandaman na usab kini sa Task Force karon panahona.