MOKABAT 48 ka mga kompanya ang mideklarar og permanent closure dinhi sa Northern Mindanao.
Kini ang gikumpirmar ni Leonila Cajarte, kinsa assistant director sa National Economic Development Authority (Neda)-Northern Mindanao, atol sa virtual press briefing sa Regional Task Force for Covid-19 adlawng Martes, Hunyo 23, 2020.
Sa maong gidaghanon, 813 ka mga trabahante ang apektado niini.
Samtant moabot sab sa 9,672 ka mga kompanya ang apektado sa coronavirus disease (Covid-19) diin sa maong ihap, 48 ang permanent closure, 15 ang ubos sa temporaryong closure nga adunay 424 ka apektado nga empleyado, ug adunay 103 ka mga kompanya ang nag-reduce sa ilang mga trabahante kon diin 1,409 ang apektado nga trabahante.
Sa kinatibuk-an, moabot sa 2,700 ang mga trabahante nga apektado sa rehiyon.
Gipasabot ni Cajarte nga kini gumikan sa epekto sa Covid-19.
Dungan sab sa press briefing, iyang gipahibalo nga adunay 542 ka mga proyekto ang nasuspende ang trabaho hinoun wala gikanselar.