Manok sa silingan gikawat kay tulahon

Hulagway iya sa Igacos PNP
Hulagway iya sa Igacos PNP

WALA milampos ang usa ka lalaki sa tinguha niini nga magsabaw og bisaya nga manok dihang nasakpan sa silingan sa pagkawat niini sa manok.

Gibalhog sa selda sa Island Garden City of Samal (Igacos) Police Station ang suspek nga si Arturo Epifanio, 54 anyos, ug nagpuyo sa Purok-1A, Barangay Aumbay, Samal District, Igacos, Davao del Norte.

Sa imbestigasyon, migula nga maayong pagkasakop sa suspek sa caretaker sa usa ka luna sa dapit dihang gidala na niini ang usa ka himungaan.

Sumala sa suspek nga gimingaw kuno siya og sabaw sa manok bisaya maong nakahunahuna siya sa pagkawat sa manok sa iyang silingan alas 2:25 sa hapon niadtong Lunes.

Si Police Corporal John Rhey Dalaygon, imbestigador sa kaso, nagbutyag nga mokantidad sa P500 ang himungaan nga gikawat sa suspek.

Kasong theft ang atubangong kaso sa suspek didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph