Drayber gitipi sa Cotabato

PATAY ang usa ka drayber human gidunggab ug gipusil didto sa siyudad sa Cotabato.

Kapulisan nag-ila sa biktima nga mao si Rodrigo Mariano, 48 anyos, minyo, ug molupyo sa General Luna, Don E. Sero Street, barangay Rosary Heights 3.

Sa report gikan sa Cotabato City Police Office, nasayran nga banda alas 7:40 sa gabii, Marso 28, nahitabo ang pagpamusil sa drayber.

Samtang pauli na ang biktima sa iyang bay gikan namasahero sa iyang traysikel, giharang kini sa mga suspek.

Way daghang langas, gidunggab ang drayber, ug wala pa matagbaw ang mga mamumuno gipusil pa si Mariano gamit ang kalibre .45 nga pistola.

Patay diha dayon ang drayber kinsa naka-angkon og nagkadaiyang mga samad sa lawas.

Mga nakasaksi sa krimen naghulagway sa mga suspek nga nagpagidaron og 20 ngadto 30 anyos, 5"4 ang gitas-on, itumon ang pamanit, ug payaton ang panglawas.

Dugang sa mga saksi nga wala pud nila mamay-ungi ang nawong sa mga suspek tungod kay puros naka-helmet, ug dali sab nga misibat human sa insidente.

Matud ni Susan nga sa wala pa gipatay ang iyang uyoan, may nakabangi kining grupo sa ilang dapit nga nalambigit sa pagpayuhot og ginadiling druga.

Ang kapulisan padayong nag-imbestiga aron ma-establisar ang tinuod nga motibo sa pagpatay sa biktima, mailhan ug madakpan ang mga suspetsado. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph