TUNGOD sa padayon nga nasinati nga krisis, epekto sa coronavirus disease, hatagan og mas dako nga pagtagad sa pangagamhanan sa probinsya sa Sugbo ang pagpalambo sa rice production.
Mao kini ang gipahibaw ni Gobernador Gwendolyn Garcia atol sa tigum sa mga feed millers ug pork producers sa lalawigan sa Mayo 26, 2020.
“We would be focusing in the production of corn in Cebu. This is very possible that the soil is also conducive to the planting of corn,” matod ni Garcia. Mao kini ang usa sa iyang priority programs karon, dugang niya.Si Roldan Saragena, Provincial Agriculture Officer (PAO), nagkanayon nga sa kasamtangan dili pa igo og 37 porsyento lang ang ma-supply sa probinsya nga bugas sa tibuok lalawigan. Samtang ang nahabiling 63 porsyento gi-source na kini gawas sa Sugbo.
Iyang gipahibaw nga dako og potensyal nga katamnan ang kayutaan sa mga isla sa Bantayan ug Camotes, Norte ug Kasadpan nga bahin sa probinsya.
Aron makasugod, tulo ka mga banko sa gobyerno, ang Land Bank of the Philippines (LBP), Development Bank of the Philippines (DBP), ug Philippine Veterans Bank (PVD), misanong sa panawagan sa gobernador alang sa pagbutang og common fund. (ANV)