SUPERBALITA CEBU

Naglikay sa libak labot Covid, nakuryentihan, tipi

INAHAN nga naglikay sa iyang mga silingan aron di makadungog og tabi-tabi kay iyang bana nga naospital nagpositibo sa coronavirus disease (Covid-19) namatay, na hinuon kay nakuryentihan alas 8 sa buntag, Hunyo 25, 2020 sa Sitio Laray, Barangay Manguiao, lungsod sa Asturias.

Ang insidente alas 4:30 sa hapon na nareport sa kapulisan sa Asturias niadtong Huwebes.

Si Lodivina Mahilum, 46, minyo, nagpuyo sa Barangay Manguiao, dead-on-arrival (DOA) sa tambalanan tungod sa grabing kadaot sa iyang kalawasan human makuryentihi.

Si Major Stephen Amamag-id, hepe sa Asturias Police Station nga nahinabi sa Superbalita Cebu, niingon nga si Mahilum gikan sa ilang tindahan sa merkado publiko padulong mopauli.

Pag-abot sa ilang barangay, wa na siya mosubay sa karsada nga maoy iyang naandang agianan aron paglikay sa mga tawo,

Sa iyang agianan, dunay poste sa Cebeco 3 nga dunay gibanting nga wire.

Iyang nasaghiran ang wire, mi-ground kay basa tungod sa uwan hinungdan nga siya nakuryentihan.

“Naglikay daw ni siya sa iyang mga silingan kay iyang bana naa man sa Vicente Sotto, positive sa Covid-19. Di siya ganahan sa mga estorya mao nga di unta magpakita,” butyag ni Amamag-id.

Matod ni Amamag-id nga usa ka Ivy Momo maoy nakakita kang Mahilom nga nagbarog nga wala na maglihok samtang ang duha niya ka nga kamot nagkupot sa wire nga banting sa poste.

Si Momo nisingit og panabang sa iyang mga silingan.

Naglisod sila sa pagduol kay kusog kaayo ang kuryente nga ni-ground.

Usa niya ka silingan ang nangorso, giputos niyag daghang nga papel ang iyang mga kamot, dayon gibira ang buhok sa biktima hinungdan nga nakuha.

Gidala sa tambalanan si Mahilom, apan gideklarar nga DOA. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph