SUPERBALITA DAVAO

Talento: Dependence or defiance?

Panglantaw

HELLO, everyone! Kaway-kaway sa mga parent dyan. Yes, kumusta na ang atong mga ginikanan nga sulod sa lima ka bulan tibuok adlaw kauban ang mga kaanakan?

Are you a parent? Ako pod. Mouyon gayud ka kung akong iingon nga walay makatupong sa kalipay nga atong nabati sa dihang nakita nato sa pinaka-unang higayon ang atong mga iso. Hasta ka cute gayud nila bisan dili god gwapo ug gwapa ang mama ug papa -- joke ha ha!

Bitaw, ayaw lang god kasuko. Natural kana nga ambungan kaayo ang atong mga anak base sa "atoa" (lang og dili sa tanan) nga panan-aw. Apan, nasayod kita sa reyalidad nga dili kana tinuod. Naa gayuy mas nindot og barug ug hitsura sa atong mga anak, ug bisan pa kanato.

Ayaw lang kaguol kung sa tan-aw nimo dili kaayo ka pogi o pretty kay kung "medyo" pangit ang pisikal nimo nga panagway -- NAAY MAS MAUT OG NAWONG NIMO hu hu! Wala ko nangantiyaw ha? Ayaw lang pod og magpinamati o feelingera kanang "conceited sa English bah nga daw siya ray ambongan sa tanan!

Anyway, dili about "beauty" ang atong hisgotanan apan mahitungod sa atong anak. Of course, sila ang mga hinungdan nga nahimong colorful ang atong life. Nakatuon kitag paghigugma kanila ug sa atong mga kaugalingon apil siyempre ang pagpangandam sa ilang kaugmaon.

Lisod baya sa akoang bahin gamay kay usa ako ka, "inatay" kana god solo parent. Maayo na lamang nga usa ra akong anak, dili kaayo lisod sa gasto sa pagpadako kaniya pinaagi sa kaluoy ug grasya sa Dios.

Ang pulong nga “dependence” mao ang kinaiya sa usa ka bata nga modepende o magsalig gayud sa iyang ginikanan tungod sa linghod niyang edad, kakayahan ug salabotan. Ang “defiance” mao ang “dili pagsunod” o ang kinaiya sa pagkamasinupakon. Masulti ba nimong klaro kung dependent kon nagasalig ba gihapon kanimo ang imong mga anak o masinupakon na?

Ang quarantine mahitungod sa Covid-19 nagdala kanato sa usa pod ka hagit sa pagpadako sa atong mga kaanakan. Bulahan kadtong adunay mga anak nga responsible ug buotan. Ang akoa, hawod na pod mosupak, higala.

Awwww, isip ginikanan, sakit god sa dughan apan dili man ko susama sa iyang lolo ug lola nga mga konsentidor. Kana god dili nga sige lang og paundayonan ang gusto sa bata tungod nag inusara ra nilang apo huhu.

Sa pagkatinuod, istrikto gyud kaayo ko sa panimalay. Dili pwede magdulag cellphone kung dili unahon hugas ang mga plato. Bawal pod ang computer kung walay nilung-ag daan sa kaldero ug kung dili limpyohan ang iyang kwarto.

Matod pa sa uban nakong mga higala, naglisod pod daw silag pag-adjust sa kinaiya sa mga bag-ong tubo nga mga bata. Maayo daw atong sinaunang panahon nga ang mga bata mopuyo ra sa hilum. Karon? Mao pay mag-una, igsuon. Korek?

Bitaw, magkadaiyang personalidad ug kinaiya ang mga bata. Sama nato kaniadto, seguro naglabad pod ang ulo sa ginikanan nato tungod sa atong pagpabadlung usahay. Mao pod na ang atong mga anak karon gawas lang atong tinuod nga buotan ug hilumon.

Dili kita magpaugtas mga ginikanan kay kita lang gihapon ang magsakit ang dughan. Gamay’ng pasensya ug daghang luhod ug mga pag-ampo, higala. Sa ingon a ing pamaagi, ang kamot sa Ginoo ang hangyuon nato nga mogiya kanato sa pagpadaku sa mga kabatan-onan ilabi na karong naa ra sila sa atong mga kabalayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph