Binghay: Magkat-on og tuob

Sa pagka-karon, subra na 9 ka milyon ang natakdan sa Covid-19 sa tibuok kalibutan. Tungod ini, padayong nagsugwak og nag awas-awas ang mga pasyente sa mga ospital ug tambalanan.

Ang kapait kay hangtod karon wa pa gihapoy vaccine nga mobatok ini unya mismo ang mga mananambal apil mga nurses nga nagtabang sa mga pasyente ang nanga-unay og takod. Gani ang uban nga wa ka kaya, nakabsan sa ilang kinabuhi.

Diri sa ato, dunay tip si Dr. Dale Pasco, Diplomate sa Philippine Board of Surgery og usa sa mga inilang lecturer sa Natural Medicine/Lifestyle Medicine-Hydrotheraphy. Ako sab kining i-ambit sa inyo ang mahitungod sa epektibong paggamit og tuob kon steam inhalation pagbatok sa Covid-19.

Duna kini lima ka proseso nga anagy sundon o pagabuhaton.

Una, Mag andam og planggana unya butangan og init tubig. Mas maayo kung naay mabutang nga dahon sa Kalabo (Oregano), luy-a, asin, lemonsito o lemon.

Ikaduha, mag andam og toalya. Kini maoy gamiton para itabon unya sa ulo para ang tanang aso masawod og makasulod sa ilong. Piyungon ang mata samtang nagtuob og e-distansiya ang nawong (mga 12-16 inches sa init nga nag-asong tubig), aron di ma paso.

Ikatulo, ipaduol ang nawong sa planggana nga magtabon sa toalya og sa saktong kainiton. Ikaw maoy mangunay og bana- bana sa kainiton nga makaya nimo. Hanggapon ang hinungaw sa init nga tubig (steam) pasulod sa ilong sulod sa unom (6) ngadto sa diyes (10) minutos.

Mahuman na gani og tuob, sundi kini pag inum og init tubig nga may sagol nga lemonsito o lemon, dahon sa Kalabo (Oregano). Mahimo sang mo inum og Salabat o Ginger Tea.

Katapusan, batasana ang steam inhalation kaduha (2) sa usa ka adlaw bisag wa kay sakit o gibati nga simtomas sa Covid-19. Rekomendado kining pagabuhaton sayo sa buntag sa di pa mo trabaho o gabii, pag uli gikan sa trabaho.

Way kumo ang pagsuway paghimo ini kay gawas nga sayon og way gasto, aprobado ug suportado pa gayod sa mga kadagkuan labi na sa atong amahan sa lungsod nga si Mayor Edgar Labella.

Related Stories

No stories found.
SunStar Publishing Inc.
www.sunstar.com.ph