ANG Dakbayan sa Carcar nakatala og tulo nga bag-ong mga kaso sa sakit nga coronavirus disease (Covid-19) ug usa nga naayo karong Hunyo 27, 2020.
Sa Facebook post sa Carcar City, ang mga barangay nga adunay kaso sa Covid-19 mao ang Barangay Bolinawan (1), Can-asujan (1), Guadalupe (1), Poblacion I (5), Poblacion II (1), Poblacion III (1), Tuyom (2) ug Valladolid (7).
Sa kinatibuk-an, ang syudad aduna nay 19 nga kompirmadong mga kaso sa Covid-19, 15 niini ang aktibo nga kaso.
Aduna usab tulo nga namatay ug usa nga naayo. (RSR)