Mongaya: Inday Nerry isog

WA magpanagana si Inday Nerry Soon-Ruiz nga nibalhin gikan sa iyang pagsuporta kang Lakas-Kampi standard-bearer Gibo Teodoro ngadto sa kampo ni Manny Villar sa Nacionalista Party (NP).

Nibilib ko niya kay siya pa nga babaye mao hinuoy niguwa aron mopa-dayag nga siya naa na sa kampo ni Villar.

"The Manny Pacquiao Blog". Click here for stories and updates on the Filipino boxing champ.

Apil man siya sa mga nakigtigom ni Villar sa miaging Miyerkules diha sa Marco Polo Hotel.

Sa wa pa sab kining maong tigom, nakadu-ngog na ko nga gitun-an na sa kampo ni Inday Nerry nga mobalhin kang Villar tungod kay nakum-binser sila nga kini pay mas dunay dakong kahi-gayonan nga modaog ug di si Gibo.

Nakasabot na man gud kita nga ang mahi-nungdanon alang sa usa ka politiko mao ang pag-apil sa bahig nga duma-daog.

Sigi na lang kon sa ingon, makasulti kita sa atong kaugalingon nga wa diay dakong kalainan kini si Gibo ug Villar gawas nga mas taas ang survey rating sa naulahi.

Sa akong tan-aw man gud, di sab gyud mahimong motapon si Inday Nerry sa kampo ni Sen. Noynoy Aquino kay naa man kini sa Liberal Party nga maoy partido sa kaatbang sa kongresista nga si Mayor Jonas Cortes.

MGA MAYOR

Daghan ang naintriga sa giingong tigom sa mga kongresista kuyog kang Villar sa miaging semana.

Ang wa mahisguti nga daghan sab nga mga mayor nga didto sa Marco Polo Hotel.

Kuyog kanila ang pipila ka mga challenger sa pipila ka mga lungsod ug syudad sa lalawigan sa Sugbo sama pananglit kang Councilor Ahong Chan.

Wa hinuon ko maka-hibawo kon unsa gyud ang ilang tuyo ug kon naatu-bang man nila si Villar, wa na koy ideya kon unsay ilang nahisgutan.

Ang ako lang masulti nga klaro nga nanguli-tawo kini si Villar sa lain-laing mga lider sa Sugbo.

Kuyaw gyud nga mohiyos ang kang Gibo kay wa man makuhai ang kang Noynoy.

NOYNOY-VILLAR

Karong sigi nga ma-kuhaan ang kampo ni Gibo nga nangiwit sa mga survey, nasiguro ko ug uyon kanako ang daghang mga politiko nga magli-sod na gyud kini.

Ang away karon mao na gyud ang Liberal Party ug Nacionalista Party.

Nahimuot lang ako sa analogy sa usa ka higala nga nagkanayon nga kon awto pa nga naglumba, kinta na ang dagan ni Villar samtang nagse-gunda pa si Aquino.

Tan-awon nato sa sunod mga semana.

r