SUPERBALITA CAGAYAN DE ORO

Barangay Carmen duna’y pinakataas nga kaso sa dengue

File photo

ANG Barangay Carmen ang nagpabilin nga nag-unang duna’y pinakataas nga natalang kaso sa dengue sa Dakbayan sa Cagayan de Oro.

Gibutyag ni Dr. Joselito Retuya, City Epidemiologist sa City Health Office (CHO), nga nagpabilin pa gihapon nga nag-una ang mga barangay nga duna’y dakong populasiyon, ilabi na ang Barangay Carmen nga mao usab ang nag-una sa nilabay nga tuig ug gisundan sa Barangay Lapasan dayon Barangay Balulang.

“Sa pagkakaron ang highest number of dengue cases naa gihapon sa atong mga pinakataas nga mga or higher population. Naa diha sa Barangay Carmen pero sa pagkakaron, wala ta’y nakita nga nagkumpol-kumpol siya,” matud ni Retuya.

Apan giklaro usab ni Retuya nga kumpara sa nilabay nga tuig, gamay ang natalang kaso karong panahona. Nagpahimangno siya nga dili angayang magkumpiyansa ilabi na nga nakasinati na og pag-ulan sa halos matag hapon.

“Gamay siya kumapara last year. Ang tibuok bulan sa Hunyo gamay siya sa pagkakaron apan wala kita nagkumpiyansa,” matud ni Retuya.

Giingong gimandoan na ang mga barangay health personnel nga ila nang aghaton ang ilang nagkadaiyang Barangay Brigade nga magma-igmat kalabot na sa sakit nga dengue.

Gi-aghat usab ang katawhan nga sundon ang mga gabayan sa Department of Health (DOH) labi na ang paghimo sa 4S o seek and destroy o pangitaon ug gub-on ang mga itloganan sa lamok nga nagdala sa dengue; seek early consultation kun duna’y mga sintomas sama sa hilanat,labad sa ulo, sakit sa dapit sa may mata ug rashes di na magpanuko sa pag-adto sa health center o sa ospital; self protective measures o dili hatagan og higayon nga mapaakan sa lamok sama sa pagsul-ob og mga tag-as nga sinina; ug say yes to fogging kon gikinahanglan.

Giingong sagad nga oras nga makapamaak ang lamok nga nagdala sa sakit nga dengue sa oras sa mga alas 5 sa buntag hangtod na alas 7 sa buntag ug sa hapon mga alas 4 sa hapon hangtod alas 6 sa gabii.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph