MOKABAT na sa 93 ang natalang kaso sa coronavirus disease (Covid-19) sa Northern Mindanao Biyernes, Hunyo 26, 2020.
Anaa sa 12 ang natala sa Bukidnon; usa sa Camiguin; 13 sa Lanao del Norte; 23 sa Misamis Occidental; 6 sa Misamis Oriental; 29 sa Cagayan de Oro City; ug 9 sa Iligan City.
Sa nahipos nga impormasiyon gikan sa Department of Health (DOH)-Northern Mindanao, duna’y bag-ong natala nga unom niadtong Hunyo 26, 2020 mga alas 3 sa hapon, diin tulo niini gikan sa Lanao del Norte; duha sa Misamis Occidental ug usa sa Cagayan de Oro City, kinsa pulos returning overseas Filipino (ROF)/locally stranded individual (LSI).
Sa 93 ka mga kaso sa rehiyon, anaa sa 61 o 65.5 porsyento ang mga ROF/LSI diin sa Bukidnon 10 ang ROF/LSI; sa Lanao del Norte 11; sa Misamis Occidenta 20; sa Misamis Oriental 6; sa Cagayan de Oro 9 ug sa Iligan City 5.
Anaa sa upat ang na-admit pulos RO/LSI; 48 ang outpatient diin 41 ang ROF/LSI ug pito ang local transmission; 32 ang recovered 16 niini ang local transmission ug 16 usab ang ROF/LSI ug siyam ang death pulos local transmission. (KCS)