NA-ILOK ang usa ka lalaki sa dihang gipusil sa duha ka mga wala mailang mga suspek niadtong Enero 5 mga alas 10:30 sa gabii sa Gemilina street, Barangay Carmen, sa siyudad sa Cagayan de Oro.
Patay si Aljon Gantalao, gibana-banang nag-edad og 25 anyos pataas ug giingong usa ka crew sa fastfood chain nga taga Barangay Lapasan.
Sa impormasiyon gikan sa Police Station 4 (PS4) sa Carmen, nasayran nga base sa saksi, nakadagan pa ang biktima ug gani nakapangayo pa kini og tabang apan walay swerteng nakabsan gihapon sa kinabuhi.
Nasutang nakaangkon og samad pinusilan sa wala nga bahin sa ilok si Gantalao gamit ang wala usab masuta nga klase sa armas.
Dali nga nisibat ang duha ka mga suspek sakay sa taxi paingon sa wala matuking direksiyon.
Padayon pa ang kapulisan sa imbestigasiyon aron masuta ang motibo sa maong krimen ilabi na nga wala pa maila ang mga suspetsado.