DOH: ‘Tuob’ di kaayo sa Covid-19

File photo
File photo

GITIN-AW sa Southern Philippines Medical Center (SPMC) nga ang "tuob" o steam inhalation therapy di maoy tambal batok sa coronavirus disease (Covid-19), kay ang makapatay lang sa Sars-CoV-2 mao ang bakuna.

Sa virtual presser, niduyog sa panawagan si SMPC Chief of Medical Professional Staff Dr. Ricardo Audan sa Department of Health (DOH) ug sa medical groups sa pagdiskurahi sa publiko sa paggamit sa tradisyonal nga pagpanambal sa pagtratar sa Covid-19 tungod kay wa pay sayantipiko nga ebidensiya bahin niini.

Matud niya nga hangtud sa kasamtangan, wa pay bakuna ang namugna ug mapalit sa merkado.

"We are dealing here with a virus, it’s a dangerous virus. So we really need approved drugs to fight this, a vaccine to fight this. In fact, we have already solidarity trials, it’s an international clinical trial for drugs that are being used to treat Covid. Dili ni siya tuob tuob," pagklaro ni Audan.

Bisan tuod kon ang Covid-19 dunay flu-like symptoms ug steam therapy mahimong makapahupay sa paghuot sa gininhawaan, apan hugot niyang gisulti nga di kini makapatay sa kagaw.

Ang paggamit sa way igong basihan nga tradisyonal nga pagtambal makaapekto unya sa panglawas ug makadaut inay pag-ayo.

Nikatap ang pagpanambal pinaagi sa tuob human nagpagawas og Executive Order No. 17 si Cebu Governor Gwendolyn Garcia nga nag-endorso niini isip usa ka paagi sa pag-ayo sa sakit. Iyang mando nakahatak og mga pagsaway, ilabi gikan sa komunidad sa medisina.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph