ANG Dakbayan sa Lapu-Lapu nakatala sa 99 ka mga bag-ong kaso sa coronavirus disease (Covid-19) karong Hunyo 29, 2020.
Sa Facebook page post ni Lapu-Lapu City Mayor Junard "Ahong" Chan, matod sa mayor nga sa 99 na mga bag-ong kaso, 40 niini ang mga persons deprived of liberty (PDL) sa Bureau of Jail Management and Penelogy (BJMP) sa Soong, samtang ang 59 gikan sa kuminidad.
Matod sa post ni Chan nga kasamtangan gi-isolate ang mga indibidwal nga nag-positibo sulod sa prisohan ug adunay mga precautionary measures na gibuhat aron sa pagpugong sa pagkatap sa sakit.
Ang mga barangay na adunay mga bag-ong kaso mao ang Barangay Pusok (13), Pajo (11), Gub-ob, Basak (9), Poblacion (8), Maribago (7), Agus (4), Looc (4), Pajac (4), Canjulao (4), Babag (4), Mactan (3), Bankal (3), Buaya (3), Caliwasan (1), Ibo (1) ug adunay duha nga wala pa mahibawi.
Sa kinatibuk-an, ang syudad aduna nay 567 ka mga kompirmadong kaso diin 112 nga mga naayo.
Gi-hangyo ni Chan ang tanang mga residente sa pagsunod sa mga health protocols sama sa pagsulob ug face masks, kanunay na pagpanghunaw ug pagsunod sa social distancing. (RSR)