KARONG panahon sa pandemic importante gyud nga himsog ta labi na sa mga inahan ug sa ilang mga chikiting.
Ang Pinay TV host-DJ-actress nga si Andi Manzano dunay practical tips ngadto sa mga inahan aron makadaginot pinaagi sa paggamit og organic food.
Matod ni Mommy Andi nga sukad niya nadiskubre ang Promil Organic mas nilambo ang panglawas sa iyang 4-anyos nga anak nga si Olivia.
Mas menus ang toxins ug chemicals niini mao nga makasiguro ka nga luwas ning gamiton dugang pa sa 33-anyos nga celebrity mom sa iyang press release.
Ang magtiayong Andi ug GP Reyes dunay duha ka mga anak diin usa pa lang katuig kapin ang manghud.
“It’s the best milk out there. It has the essentials every child needs every day,” esplika ni Andi.
Ang Promil Organic 100 percent organic milk ug aprobado sa Organic Certification Center of the Philippines Inspection and Services, Inc. ug bugtong organic formula milk sa nasud alang sa preschoolers nag-edad og 3 pataas nga dunay DHA and AA nga makatabang sa brain development.
Basin mangutana mo tig-unsa ni siya ni Edu Manzano iya nang uyoan samtang si Luis Manzano iyang ig-agaw.
BREASTFEEDING
Si Mommy Anna Fegi-Brown bag-o lang sad nanangak sa iyang first baby niadtong Mayo 27 siyempre breastfeeding una siya kay mao ni recommended sa unang tuig sa bata.
Daghan ang na-shock sa akong interbyu niya niadtong Huwebes kay karon ra sila nakabalita nga nag-positive diay si Anna sa Covid. Pero maayo na lang pila ka oras sa wa pa niya gihimugso si baby Amaria Michelle nag-negative na ang Cebuana singer.
LAYSHO ANG SOFIA
Laing trending sa showbiz dihang gianunsyo sa 21-anyos nga aktres nga si Sofia Andres nga nanganak na siya sa baby nila sa iyang Cebuano boyfriend nga si Daniel Miranda.
Sa akong nahibaw-an si Daniel anak sa magtiayong Martin Miranda ug Angelique Lhuillier, kinsa pag-umangkon ni Consul Michel Lhuillier.
Bale ang papa ni Angelique nga si Philippine Ambassador to Spain Philippe Lhuillier igsuon ni Senyorito Michel.