DEAR Noy Kulas,

First of all, I would like to greet you a pleasant day. Just call me Ms. Evz. I’m 18 years old. Usa ako sa imong mga avid reader sa online ug hinaut unta nga matambagan nimo ang akong problema mahitungod sa akong lovelife.

Duna koy uyab karon. Mag halfway na mi for two years. Nagproblema ko, Noy, if gikinahanglan ba nako siyang i-surrender kay lagi nakapamabdos siya niadtong seven months pa mi. Apan, Noy, dala ra man gyud to sa inom nganong nahitabo to ug ang babaye sad ang nagtintal niya kay naa toy dakong gusto sa iyaha.

"The Manny Pacquiao Blog". Click here for stories and updates on the Filipino boxing champ.

Mahitungod ani, sa pag-one year namo, nahibaw-an sa akong papa ang nahitabo. Gusto sa akong papa nga magbuwag mi kay mahadlok akong papa nga mahitabo sad to sa akoa. Dako kaayo mi og respeto sa akong papa ug kahibawo pud ko nga di makabuhat ang akong uyab diri nako. So, wala ko naminaw sa akong papa ug nagpadayon mi sa among relasyon sa tago until one time nakita-an mi sa akong papa nga nagkuyog mi.

Tungod ato, nakasab-an ko og maayo ug wa na mi magtingganay sa akong papa nga mag-two months na. Unsa man gyud ang akong dapat buhaton? Magpadayon ko sa akong gugma sa akong uyab nga naghinigugmaay man gyud mi sa usa’g usa ug magpadayon gihapon mi nga way tingganay sa akong papa tungod niya? O mo surrender na lang ko sa among relasyon sa akong uyab ug magkasinabot na mi sa akong papa?

Daghang salamat.

MS. EVZ

Ms. Evz,

Maayong adlaw ninyong duha sa imong uyab. Nakasabot kaayo ko sa inyong sitwasyon kay nag-agi sab kog teenage life. Nindot kaayo ang kinabuhi sa teenager kon gugma na ang hisgutan kay colorful kaayo. Gusto sab nga naa pirme kanunay naglambiyong ang duha.

Maorag ang usa ka adlaw nga wa magkita usa na ka buwan. Ang usa ka semana maorag usa na ka tuig. Bisan gani ma-crush ta, maora tag mamatay kon di nato makitag usa ka adlaw. Unsa na kaha nang uyab na?

But, nakasabot sab ko sa imong papa kay karon nga amahan na ko, mo-feel sab tingali kog ingon niana. Mahadlok man gyud ang parents ba nga naglantaw sa maayong ugma nga maguba ni kon pasagdan mo. Wa may dautang tuyo ang imong amahan kon di ang imong kaayuhan. Naa man siyay basihanan sa iyang kahadlok tungod kay nahitabo na gud ni sa laing babaye. Kini ra bang temtasyon moabot usahay nga susamag kawatan. Masulod mong duha sa lit-ag.

Alang sa win-win solution, panagsai ang panagkita ninyong duha.

Concentrate sa imong pagtuon. Estoryahi sab tawn nang imong amahan nga nahiubos sa imong gibuhat. Pasabta siya nga wa mo gitumong nga supakon ninyong duha sa imong uyab ang iyang kasugoan. Labaw nang di ninyo gusto nga dunay dautang mahitabo kanimo pinaagi sa early pregnancy. Maayo man gani nga magpatabang mo sa inyong inahan sa pagpasabot sa inyong papa o kaha kinsa tong mas suod aron motabang sa pagpasabot.

Unya, kanang kamong duha gyud sa imong boyfriend ang makigsulti kaniya aron pasabton siya nga nakasabot mong duha sa iyang kabalaka. Aron maka assure mong duha kaniya nga di mahitabo ang iyang gikahadlukan kay nagtamod mo kaniya.

Kanang duha ka mga butang maoy imong mapilian nga pagabuhaton.

NOY KULAS