NAKAPLAGANG patay kagahapon sa buntag ang usa ka babaye nga hapit na maputli sa liog sa lungsod sa San Fernando, Sugbo.

Ang kapulisan nisusi sa iyang live-in partner, kinsa gituohang responsible sa pagdunggab sa biktima sud sa ilang balay sa Barangay Panadtaran.

"The Manny Pacquiao Blog". Click here for stories and updates on the Filipino boxing champ.

Mga alas 9:40 sa buntag, nakadawat og tawag kang Barangay Councilor Edward Natividad, kinsa nitaho nga usa ka babaye nakaplagang patay sud sa iyang balay.

Usa ka team nga gipangulohan ni Senior Insp. Jaime Santillan niadto sa dapit nga mga tres kilometros.

Ilang nakaplagang ang usa ka papel nga bio-data sud sa balay nga nag-ila sa biktima nga si Maricel Arufo, 26.

Nakaplagan sa kapulisan ang nagkadugo niyang lawas ug hapit na maputol ang iyang liog. Nakaplagan sab ang usa ka kutsilyo nga nabawog sa sawog.

Matod ni PO3 Marjukin Misuari sa San Fernando Police Station nga ilang gipangita ang usa ka Benjie, kapuyo sa biktima.

Ang kapuyo giingong sakop sa Guardians. Wa kaayoy nakaila kanila kay ang duha bag-o lang nagpuyo sa dapit. (MEA sa Sun.Star Cebu)