PANABO CITY -- Usa ka babaye nga gikan sa Manila ang ika-pito sa nadugang kaso sa coronavirus disease (Covid-19) sa siyudad sa Panabo.
Gikumpirma sa opisina sa City Health ang maong kaso ala 1:41 sa hapon, Hunyo 29, 2020.
Matud pa nga ang pasyente usa ka 53 anyos nga locally stranded individual (LSIs) kinsa misakay sa commercial flight Hunyo 26 ug pag-abot sa siyudad, gideretso sa isolation facility.
Gibutyag nga gitambalan sulod sa Davao Regional Medical Center ang pasyente ug giingong anaa sa maayong panglawas.
Samtang ang monitoring team sa siyudad nagpahigayon ug contact tracing aron ilhon ang mga tawo nga nahimamat sa pasyente. (Dexter T. Visitacion)