COTABATO CITY -- Mitaas pa ang ihap sa mga nagpositibo sa coronavirus disease (Covid-19) sa Bangsamoro Autonomous Region in Muslim Mindanao (Barmm).
Pinaka-una nga nakatala og Covid-19 case ang Upi, Maguindanao adlaw nga Lunes, Hunyo 29.
Ang biktima usa ka 13 anyos nga adunay travel history sa Makati City.
Sa talaan sa Municipal Health Office (MHO) sa Upi, adunay usa nga probable case sa Covid-19 sa Upi, repatriated overseas Filipinos (ROF) ug locally stranded individuals (LSI) - 130, home quarantine - 101, confirmed case - 1, ug 29 ang anaa sa isolation facility.
Kadaghanan sa mga nagpositibo sa Covid-19 mga ROF ug LSI.
Pinakadaghan nga natala naggikan sa Lanao del Sur nga adunay 74 nga kaso; gisundan sa Maguindanao, 22; Basilan - 6; Sulu - 3; samtang Covid-free pa gihapon ang Tawi-Tawi.
Sa kasamtangan, hugtanon nga gitutukan sa Ministry of Health ang probinsya sa Lanao del Sur ug Maguindanao nga padayon ang pagtaas sa mga nagpositibo sa Covid-19. (Edgar Fuerzas)