BAG-OHAY nga nanganak ang unang kaso sa Covid-19 sa Lungsod sa Alegria karong Hunyo 30, 2020.
Sa Facebook post sa Alegria Public Information Office ang unang kaso sa lungsod mi-adto sa Dakbayan sa Sugbo niadtong Hunyo 11 aron mag pa skedyul sa iyang pagpanganak via ceasarian sa usa ka pribadong ospital sa Syudad sa Sugbo.
Sa susamang adlaw gikuhaan usab ang maong pasyente og swab test ug nag-negatibo kini. Matod sa ilang post wala na nahibalik sa Alegria ang maong pasyente sukad niadtong Hunyo 11.
Niadtong Hunyo 26, nanganak ang maong pasyente pinaagi sa caesarian section ug gikuhaan siya pag-usab og swab test ug nag-positibo kini sa virus. Gi-taho ang maong pasyente na asymptomatic.
Ang inahan ug ang iyang anak ma-discharged na gikan sa pribadong ospital tungod kay asymptomatic kini.
Ipaubos sila sa 14 ka adlaw na isolation ug close monitoring.
Sa gipahigayon na close contact sa Alegria Rural Health Unit Staff na subay nila ang mga na close contact niini.
Gi hangyo sa lokal na kagamhanan sa mga residente na mo sunod sa mga health protocols kanunay sama sa pag sul-ob og face masks, kanunay na pagpanghunaw ug pag sunod sa saktong social distancing. (RSR)