USA ka pastor ang nadugang nga kaso sa new coronavirus sa Lungsod sa Liloan karong Hunyo 30, 2020.
Sa Facebook post sa Municipality of Liloan, ang bag-ong kaso usa ka 57-anyos nga pastor sa Barangay Poblacion.
Nakasinati kinig simptomas niadtong Hunyo 17 ug usa sa mga suspected cases sa lungsod niadtong Hunyo 23, 2020.
Gikuhaan siyag swab test niadtong Hunyo 25, ug mi-gawas sa resulta niadtong Hunyo 28, nag positibo kini.
Sa pagkakarun ang pasyente adunay mga mild na simptomas ug na isolate na sa Barangay Poblacion Ligtas Covid Isolation Center.
Ang mga personahe sa Liloan Covid-19 Operations Center nagpahigayon na sa contact tracing sa mga na direct contact sa maong pasyente.
Kadaghananan sa mga positibong kaso sa Liloan mga direct contacts sa mga miaging kompirmadong kaso sa Covid na nakuha ang virus gawas sa Liloan o katong mga adunay gipamati na sakit daan sa kalawasan.
Si Mayor Christina Frasco mi-isyu og Executive Order No. 2020-11 arun sa mga dugang nga mga sumbanan na ipatuman panahon sa general community quarantine sa lungsod, arun usab makontrola ang pagsaka sa mga kaso sa lungsod.
Gi-awhag ang tanang residente sa pagsunod sa mga protocol sama sa curfew sa lungsod na 8am hangtod 5am, padayon usab sa pagsunod sa pag sulob og face mask ug social distancing. (RSR)