Guwapang babaye naninda og shabu, gikuninitan sa FB

San Pedro Police Station
San Pedro Police Station

MOKABAT sa P245,000 ang kantidad sa gituohang shabu ang nasakmit gikan sa usa ka model ug sa uyab niini atol sa gilusad nga buy-bust operation sa San Pedro Police Station, Martes sa buntag, Hunyo 30, 2020.

Ang operasyon nahitabo sa Purok 8, V. Mapa Street, Barangay 12-B, Bajada, Davao City.

Ang San Pedro Philippine National Police nag-ila sa mga dinakpan nga sila Armando Christopher Macasaet, alyas Perper, ug ang uyab niini nga si alyas Samantha/Manting, usa ka model, nga daw pang beauty queen ang kaanyag, pulos hamtong ang pangedaron.

Gawas sa shabu narekober sab sa posisyon sa mag-uyab ang usa ka .22 revolver nga dunay upat ka mga buhing bala ug mga drug paraphernalia.

Sa post sa Facebook page sa Superbalita, nagbaha ang komento sa netizens diin dili katuo sa nahitabo nga nahimo sa babaye luyo sa iyang kaanyag ug sa estado sa pamuyo niini.

Daghang netizens ang gisayangan sa babaye, diin ang kadaghanan mikomento ug pagtambag sa uban ug ang pagpakatawa nga daw “di patas” ang panahon.

“Kung babaye nakasala tabunan? Unfair ni nga hitabo,” komento sa usa ka netizen diin gihimo sa SuperBalita ang pag-blur sa nawong ug ngalan sa babaye gumikan sa balaod nga nagprotekta sa kababayenhan.

Hinuon, nasabtan sa pipila ka netizens apan ang uban wala gyud kasabot nganong gi-blur ang nawong sa babayeng suspek.

Sukad sa pagsuwat ning balita alas 2:20 sa hapon, Miyerkules, ang maong post sa Facebook page sa Superbalita adunay 1.3 million people reached, 3,700 comments, 11,004 shares ug 4,337 reactions.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph