QR coded pass pwedeng mapasa

Gumikan sa pagkuwang sa mga quarantine pass, kadtong mga nagpuyo sa gated communities sama sa subdivision ug mga condominium, mahimo rang maghuwamhuwam para sa ilang pagpalit og essential goods.

Kini ang gipadayag ni Attorney Rey Gealon, tigpamaba ni Mayor Edgardo Labella, human nitumaw ang daghang mga reklamo, labi na sa social media, nga wala sila makadawat sa QR coded quarantine pass.

Si Gealon nitug-an nga ang 178,000 ka mga QP nga adunay QR Code maoy labing takdo nga gidaghanon sa mga balay sa Dakbayan sa Sugbo.

Kini gibase sa data base sa Department of Health ug sa lista gikan sa mga barangay kapitan dihang sila gipatawag ni Labella sa pag-abot ni Environment Secretary Cimatu, dihang niabot si Secretary Roy Cimatu, chief overseer sa Pandemic Covid 19 Response sa Dakbayan sa Sugbo.

Dugang ni Gealon nga human niabot ang mga sakop sa Kabinete ni Presidente Rodrigo Duterte dinhi sa Sugbo, grabe na ka estrikto ang implementasyon sa mga guideline sa Inter Agency Task Force (IATF) for the Management of Emerging Infectious Disease.

Gipahibawo ni Gealon nga ang tuyo gyud ni Labella mao ang paghatag og tag usa ka quarantine pass matag balay.

Apan ang Philippine National Police maoy niinsister nga igo na ang mga pass para hingpit nila makontrolar ang mga tawo nga anaa sa gawas.

Si Secretary Eduardo Año sa Department of the Interior and Local Government (DILG), kinsa maoy nipakanselar sa 250,000 ka quarantine pass nga unang giisyu sa Siyudad, nihangyo sa mga Sugbuanon sa dugang pailob ug mosunod sa mga protocol para dali ang pagsumpo sa virus ug makalingkawas na ang dakbayan gikan sa ECQ.(PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph