SUPERBALITA CEBU

Jail warden namatay human gihilantan, taas og BP

GIDALI'G DALA. Si Argao Jail Warden Jail Senior Inspector Francisco T. Pujol Jr. daling gidala sa tambalanan human naglisod og ginhawa, apan gideklarar sa mga doktor nga dead on arrival. (Hulagway gikan sa Facebook ni Francis Pujol)

NAMATAY ang warden sa Argao District Jail pipila ka adlaw sukad siya gihilantan ug nagluya dungan sa pagsaka sa iyang blood pressure.

Pasiunang resulta sa kamatayon ni Jail Sr. Inspector Francisco Pujol Jr. nagpakita nga ang iyang namatyan mao ang sakit sa kasingkasing ug altrapresyon.

Apan wa pa usab isalikway ang posibilidad nga duna siyay coronavirus disease (Covid-19) samtang gipaabot pa ang resulta sa iyang swab test.

Matod ni Jail Superintendent Reynante Rubio, assistant regional director (ARD) for administration sa BJMP -7 nga nahinabi sa Superbalita Cebu, nga subay sa death certificate nga gipagawas sa Argao District Hospital, ang namatyan ni Pujol mao ang acute coronary syndrome ug hypertensive cardiovascular disease.

Apan wa nila gisalikway ang posibilidad nga dunay Covid ang ilang kaubang opisyal.

"Sa pagkakaron dili pa ta maka speculate kon Covid ba kay gipaubos na man siya sa swab test. Unya amo pang ginahulat ang resulta sa iyang swab test," sulti ni Rubio sa Superbalita Cebu.

Matod sa Argao police, nagluya na si Pujol niadtong Hunyo 25 dungan sa pagsaka sa blood pressure ug gisugdan na og hilanat niadtong Hunyo 27.

Gitambagan siya sa iyang mga sakop ug kaubang mga opisyal nga magpaospital, apan nibalibad kay diha ra siya nipahuway sa iyang opisina ug nagsige lang og tumar og tambal.

Sa Huwebes sa mga alas 6 sa buntag, Hulyo 2, dali siyang gidala sa Argao District Hospital human mapalging wa na maglihok.

Gideklarar siyang dead on arrival (DOA) sa mga doktor.

Ang lima ka mga BJMP personnel sa Argao District Jail nga maoy close contact ni Pujol ila nang gibutang sa isolation facility.

Nagbutang na sila og laing lima ka mga jail officer hulip sa mao nga mga personnel.

Si Jail Senior Inspector Dennis AliƱo maoy kasamtangang mangu sa pasilidad.

Ang BJMP nagtudlo na og usa ka survivor officer nga maoy moasikaso sa mga panginahanglanon sa pamilya sa namatay ug mopahiluna sa mga benepisyo nga dawatunon sa pamilya ni Pujol. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph