DEAR Papa Joe,
Di gyud malikayan nga ang mga problema karon kabahin sa Covid, Sir. Ako diay si Inez, taga Guadalupe, minyo ug naa ko puyo sa compound sa akong bana.
Karon ang problema kaning mga pag-umangkon sa akong bana. Grabe ka mga badlungon. Lipaton man ang mga pulis kay magteksanay man sila asa ang pulis unya dagan dayon. Di pa mag mask.
Akong gibadlong apan di man magpatuo. Masuko man ug bungobungolan lang ta. Bisan akong bana mobadlong, magtandotando lang. Unsa kahay buhaton aning mga bataa no? Palihug tambagi ko.
INEZ
Inez,
Ka usa, kaDuha nga badlong, okay na na. Ayaw na pamugos kay gahi man gyud kaha na og ulo. Kana unta kon nagpakabana pa ang mga ginikanan ana, sila untay mobadlong.
Kana magbunga raman gyud ang kagahi og ulo ana. Karon makaikyas pa na sila. Ugma pwede gihapon, pero kon ang virus na mopilit nila, aw lisud na. Pwede di sila makabatyag og grabing sakit, pero ang parents ana delikado. Busa stay at home lang gyud mo. Ayaw na lang mo gawas para mamadlong. Ikaw ang ma stress ana.
PAPA JOE
(sa inyong tampo ipadala sa papajoesuperb@gmail.com)