Amores hingpit nang naayo sa Covid-19

HINGPIT nang naulian sa coronavirus disease 2019 (Covid-19) si Lapu-Lapu City Councilor Ricardo “Rico” Amores.

Kini ang gikompirmar sa konsehal sa pakighinabi sa Superbalita Cebu sa Miyerkules sa hapon, Hulyo 1.

Matod ni Amores nga ang labing uwahing resulta sa pag negatibo niya sa Covid-19 mao nay ikaduha niya sukad siya nagpositibo duha ka semana na ang nakalabay.

Pagtumar og vitamin C, pag-inom og daghang tubig ug pagtuob kada adlaw mao ang pipila sa mga pamaagi sa pagtambal nga gisuwayan ni Amores samtang siya nakigbatok sa Covid-19.

Mapasalamaton si Amores sa miatiman kaniya nga mga sakop sa City Health Department ug ingon man sa nag-ampo sa iyang kaayohan.

Bisan pa kon nagnegatibo na siya sa Covid-19, nadesisyonan gihapon ni Amores nga magpundo sa iyang balay sulod sa pito ka adlaw.

Kini aron masiguro niya nga di na makatakod ug sa ingon di usab makuyawan ang katawhan kaniya kon mobalik siya pagserbisyo.

“Sa July 9 na lang ko mobalik attend og session para siguro. Igo pud mawala ang kagaw. Duna koy resolutions nga angayan tagaan pagtagad alang sa kaayohan sa mga Oponganon, hilabi na parte sa kuryente sa isla sa Olango,” matod ni Amores. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph