Mandaue City CTO gi-full lockdown

GIPAUBOS sa full lockdown ang opisina sa City Treasurer’s Office (CTO) sa dakbayan sa Mandaue human usa ka kawani nagpositibo sa coronavirus disease 2019 (Covid-19).

Epektibo ang lockdown sugod Miyerkules, Hulyo 1, hangtod sa Biyernes, Hulyo 3, aron paghatag og higayon nga mag-decontaminate sa ilang opisina kini isip pagtuman sa standard health protocol nga gipatuman sa dakbayan.

Matod sa Facebook post sa CTO, nga nagkaistorya si Atty. Regal Oliva, ang city treasurer, ug ang kawani nga nagpositibo pinaagi sa phone call niadtong Hunyo 24 aron abisohan ang kawani nga nagpaubos una sa home isolation sulod sa 14 ka mga adlaw.

Sukad niadto wala na miadto ang maong kawani sa ilang opisina. Nahibaw-an nila nga nagpositibo kini niadtong Hulyo 1.

Sanglit ang trabaho sa kawani way kalabutan sa mga pampublikong transaksyon sa ilang opisina hinungdan nga nagpahigayon na ang opisina sa contact tracing.

Aron sab pagsiguro sa pagpugong sa pagkatag sa maong virus, ang ubang kawani nga adunay direct contact sa kawani nga nagpositibo gipaubos na home isolation.

Gipasalig sa CTO ngadto sa publiko og sa mga taxpayers nga ang ilang opisina striktong nipatuman sa mga health standars ug giminusan na nila ang mga face-to-face nga transaksyon sa ilang opisina.

Tungod sa full lockdown sa maong opisina, gisaad sa CTO nga mudawat gihapon sila sa mga inquiries pinaagi sa ilang opisyal nga Facebook page, ang City Treasurer’s Office- Mandaue City.

Mipahibawo sab ang CTO sa tanang taxpayers nga muapas sa tax deadlines mamahimo silang muadto sa ilang opisina sugod Lunes, Hulyo 7, alang sa mga kabalaka.

Dugang niini nga kinahanglan nga magsul-ob kini og face masks, mutuman sa social distancing protocol ug manghunaw sa kamot.

Sa laing bahin, ikaduha na kini nga kaso sa Mandaue CIty Hall nga adunay kawani nga nagpositibo sa Covid-19, ang una niini usa ka kawani sa City Administrator’s Office.

Gipatuman sab dayon ang home isolation sa pag-contact tracing niini walay laing kawani ang nataptan sa maong sakit ug niadtong Hunyo 29, nibalik na sa ilang opisina ang mga kawani sa City Administrator’s Office. (KFD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph