TRABAHANTE sa banko sa Dakbayan sa Lapu-Lapu ang ika-limang kaso sa Covid-19 sa Lungsod sa Sogod karong Huwebes, Hulyo 2, 2020.
Matod pa sa Facebook post sa Municipality of Sogod, Cebu ang ika-limang kaso sa lungsod mao ang frontliner na nag trabaho sa banko sa Dakabayan sa Lapu-Lapu ug residente sa Barangay Damolog.
Ang maong pasyente nakasinati og hilanat ug pag-ubo niadtong Hunyo 27, diin nagpakonsulta siya sa RHU sa Sogod niadtong Hunyo 29.
Gipasalig sa lokal nga kagamhanan na ang maong pasyente na isolate na ug padayon ang ilang pag contact tracing sa mga na direct contact sa bag-ong kaso.
Gipahinomdoman usab nila ang mga Sogoranon na mo sunod kanunay sa mga health protocols sama sa pag sul-ob og face masks, kanunay na pagpanghunaw ug pag sunod sa sakto na social distancing.
Nagpahinomdum usab sila na bisan paman og gipaubos na sa modified general community quarantine (MGCQ) ang lalawigan sa Sugbo wala kini nag pasabot na balik na sa "normal" ang tanan apan kinahanglan gihapon mo tuman sa mga protocol sa gobyerno, gihangyo usab nila ang tanan residente na dili mag sigeg gawas gawas kung walay importanteng tuyo sa gawas. (RSR)