SUPERBALITA DAVAO

Pulis napatay sa checkpoint

Hulagway iya ni Edgar E. Fuerzas

TACURONG CITY -- Padayon karon ang imbestigasyon sa nahitabong pinusilay sa usa ka quarantine checkpoint diin usa ka pulis ang napatay samtang tulo ang nasamdan alas 11:20 sa buntag, Huwebes, Hulyo 2, 2020.

Giila ang napatay nga si Police Executive Master Sergeant Arnold Paclibar, sakop sa Esperanza Municipal Police Station sa Sultan Kudarat.

Samtang, mga samdan mao sila si Police Staff Sergeant Chato Maycong, Barangay Health Worker nga si Josephine Danggan ug ang tanod nga si Arnel Saldo.

Gibutyag ni Sultan Kudarat Police Provincial Office Director Colonel Reynaldo Celestino nga duha ka wala mailhing lalaki nga sakay sa motorsiklo ang miagi sa quarantine checkpoint sa Barangay Poblacion sa maong lungsod.

Gipahunong kini ni Paclibar aron nga susihon ang mga papeles sa motorsiklo, apan kalit lang nga nihulbot og armas ang angkas sa motor ug gipusil ang pulis.

Daling niresbak si Maycong ug nakigpinusilay sa mga suspek nga naka-ikyas paingon sa hilit nga dapit sa Esperanza.

Patay diha-diha dayon si Paclibar nga naigo sa ulo samtang naangol sila Maycong, Danggan ug Saldo.

Padayon karon ang pursuit operation sa Esperanza MPS batok sa mga suspek.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph