Dear Noy Kulas,
Tawga lang ko sa ngalang Demi, 27 anyos na ko. Minyo na ko ug dunay tulo ka mga anak. Kami sa akong bana puro mi work from home na sukad nag-quarantine. So, iyang tanang activities ako nang na-monitor kada adlaw.
Kon ang uban nalipay nga naa na pirme sa balay, ang akoa kay pirme ko masakitan sa gibuhat sa akong bana nga hapit na lang kada adlaw. Wa ko makahibawo nga kani diay siya magsige pa og contact sa iyang mga ex nga unta ex na man.
Una nakong nakit-an sa iyang chat mao ang iyang ex nga maoy iyang last sa wa pa mi magkauyab. Grabe pa kaayo kay mag-estorya sila sa phone ug video call nga naa ko sa atubangan.
Magkumustahay ug mag update sa ilang mga life sa barkada ug work. Wa man hinuon ko kadungog nga naa silay gipangsulti nga lain, pero unsa kaha kon wa ko atubangan sa akong bana, wa kaha sila mag-estorya parte sa ilang kaniadto?
Lalake man gyud ka, Noy Kulas, di mo mag-estorya sa imong mga ex kaniadto? Ako na siyang gisultihan nga wa ko makauyon, pero nasuko man hinuon kay wa kunoy malisya ang ilang gibuhat. Para nako, as a wife, di maayo ni nga buhat. Sakto kaha ko sa akong pagduda?
DEMI
Dem,
Lahi-lahi baya ang tawo. Ako sagad sa akong kanhi wan a man mi contact. Naa say we remain good friends, but kanang mag-estorya ug mag chat bisan naa atubangan sa kapikas, wa nako na buhata for delikadeza’s sake. Kana bang ex gud na, natural dunay kagahapon, malain gyud ang kapikas. Huna-hunaa, unsa sab kahay bation sa bana kon ang asawa maoy magsige og estorya sa ex? Di kaha malain? Matandog gyud ang garbo ug malain pang huna-huna.
Pangutan-a imong bana kon okay ra ba sab niya kon manawag ang imong mga ex, makig video call ug makig-chat, okay ra ba niya? Sure ko di na okay niya. Kay di man okay niya, ipaundang nang iyang buhat.
Sa ako nang giingon nga depende sa tawo. Ako I don’t talk about the past. Wa sab ko mag communicate sa kanhi kay nahuman na man gud na. Past is past.
NOY KULAS
kulassuper@sunstar.com.ph ug rojval69@yahoo.com