SUPERBALITA CEBU

Nadela: Mga bga-ong piloto nga taga Sugbo

ASOY

Ari una ta sa mga positibong kasayuran taliwala sa mga negatibong panghitabo sa atong palibot nunot sa kalibutanong krisis sa panglawas nga atong gisagubang karon.

Sa di pa ta makalimot, hinumduman nato kanunay nga sa tibuok Pilipinas padayong nagsaka ang listahan sa Sugbo kon kaso sa Covid19 ang hisgutan. Niadtong Hunyo 26, si Chief PNP Gen. Archie Gamboa nituboy sa kalampusan sa 11 ka mga polis isip mga piloto sa nabalik nga Air Unit sa PNP. Duha sa onse nga nigradwar sa Basic Helicopter Pilot Training taga Sugbo. Si Lt. Col. Wildemar Tiu, taga Talisay City ug Lt. Col. Ethel Alfornon Baldonado, taga Buanoy, lungsod sa Balamban. Silang duha classmate sa Philippine National Police Academy Class Sambigkis niadtong 2003. Isip mga sakop sa Special Action Force kun SAF, kualipikado sila nga mopaubos sa training. Nagsugod ang training niadtong Disyembre 5 sa niaging tuig. Dugay na nga nangandoy si Tiu nga mahimong piloto. Bisan niadtong buhi pa ang iyang amahan nga si SPO4 William Tiu nga nadistino sa Cebu City Police Office. Pero wa mopabor kaniya ang kahigayonan. Pero wa siya kawad-i sa paglaum hangtod nga niabot ang kahigayonan nga matuman ang iyang pangandoy. Gani nigawas siya nga numero uno sa ilang klase.

Sa iyang bahin si Lt. Col. Ethel Alfornon Baldonado anak og usa ka pipe fitter nga si Cirilo Genaro Alfornon , nagtuo nga kung nuntan og kugi ang imong ambisyon, di kini lisod kab-oton. Si Tiu gradwado sa kursong Civil Engineering sa University of San Jose-Recoletos. Samtang si Baldonado sa kursong Accountancy sa University of San Carlos. Ang naka nindot sa ilang bag-ong assignment sa PNP kay mao ang dako kaayo nga kahigayonan nga sa ato sila madistino sunod tuig. Matod ni Tiu nga magtukod og Air Unit ang SAF dinhi sa ato nga magbasi sa Mactan aron moserbisyo ubos sa Police Regional Office 7. Sa sitwasyon nato sa Visayas nga gibahin bahin kita òg mga isla, ang helicopter dako kaayong bintaha dili lang sa anti-criminality campaign, apil na ang mga mercy mission nga pasiugdahan. Apan di sayon kining ilang trabaho. Panalangin sa Kahitas-an, tukma nga pangandam ug haum nga hukom panahon sa emerhensiya ang gikinahanglan.

Sa subra sa usa ka tuig nako nga pagka destino sa Sky Patrol sa ABS CBN News Cebu kaniadto, di ko maulaw nga motug-an nga hapit gyud ko manalaw unya magpapuli. Bisan pasahero ra ka, di lalim nang tua ka sa kawanangan hapit kada adlaw. Pero kay trabaho man, ang pag-ampo maoy gisaligan. Mensahi nila ni Sir Wildemar ug Ma’am Ethel ilabi na sa mga batan-on, ilakip sa inyong mga plano ang pagka piloto sa PNP. Ug kaninyong duha Police Lt.Col. Wildemar Tiu ug Police Lt. Col. Ethel Alfornon Baldonado, maayong paglupad ug ang Diyos magauban kanunay sa inyong biyahe.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph