SUPERBALITA CEBU

Daclan: Sofia Andres inahan na!

Ayg Saba

SOFIA Andres, usa sa mga artista nga akong paborito gwapa na ug maayo pa mo-arte, pero kalit lang kining nawala sa limelight ug karon mibalik na uban sa iyang anak.

Sa tinuod lang usa kini siya sa akong gisunod sa Kapamilya network, una nakong nakita sa mga teleserye hangtod nga nahimong bida na kini dili lang sa mga serye lakip na sa pelikula.

Daghan sab ang nahimo niyang leading man apan mas napaboran ug na-uyonan sa mga fans ang ilang tandem ni Diego Loyzaga.

Grabe sab gani ang suporta kanila samot na sa dihang nagka-teleserye sila nga ginuntan usab sa tanan.

Apan sa kalit lang murag na mingaw ang kampo sa duha ug wala na usab koy nadunggan nga may bag-o silang proyekto.

Hangtod nga nakita nako ang Sofia Andres sa fantaserye nga "Bagani" kauban silang Liza Soberano ug Enrique Gil.

Sa akong pagnunot ini niadto nahibulong na lang ko nga kalit gipatay ang iyang papel gani daghan kaayo kog pangutana atong higayona kung ngano.

Gikan didto nawagtang ug nahilom na usab ang babaye, daghang mga espekulasyon nga nanggawas apan bisag usa niini wala gyu'y kompirmasyon.

Hangtod na lang nga nakita ug nadunggan nako sa social media nga nibalik na kini ug may anak na.

Sa pirmero wala kaayo ko motuo ug manumbaling niini kay may daghang fake news man usab ta nga nakita dinhi.

Apan karon nga na-interbyu na gyud ang Sofia ug miangkon sa tanan, nakaingon ta nga anugon ang career niini nga gisubay kay padulong na unta siya sa iyang kasikatan.

Apan unsaon nahigugma man ang batang aktress ug namunga ang ilang relasyon wala nay nahimo ang tanan kon dili sa pagdawat niini.

Karon mapasigarbohon kaayo ang inahan sa iyang anak nga si Zoe Natalia ug sa iyang upat ka tuig na nga partner si Daniel Miranda usa ka Sugbuanon nga professional race car driver.

Sa pagkakaron gihatag sa lalaki ngadto sa babaye ang iyang gugma ug pagsuporta niini.

Dili kini niya pasagdan ug mahalon uban sa ilang anak mao nay pulong sa iyang uyab karon ug niadtong nahibawan niini nga nagsabak ang babaye sa ilang anak.

Mao ni ang nahitabo ni Sofia nga mihilom una ug gawas sa limelight para maatubang niini og maayo uban sa iyang mother ug sa inahan usab ni Daniel Miranda ang laing chapter sa iyang kinabuhi.

Kon ang Sofia Andres ang pasultion iya nang napanglantawan nga ang amahan sa iyang anak maoy mahimo niyang kapikas sa kinabuhi sa umaabot.

Ato na lang unyang paaboton ang mahimong engrandeng kasal nilang Sofia Andres ug Daniel Miranda, puhon! Ay'g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph