SUPERBALITA CEBU

Doble plaka gisuspenso sa LTO

TUNGOD sa coronavirus disease pandemic karon sa tibuok kalibutan ug kay wa pa usay magamit nga plaka, suspendido una ang pagpatuman sa Doble Plaka alang sa mga motorsiklo lukop nasod.

Samtang temporaryo usab nga gisirhan ang buhatan sa Land Transportation Office (LTO) Lapu-Lapu City Extension Office human usa ka kawani niini nagpositibo sa Covid-19.

Sa memorandum ni LTO Chief, Assistant Secretary Edgar Galvante, gisaysay niini nga di una ipatuman ang Implementing Rules and Regulations sa "plate provisions" sa Republic Act 11235 o ang "Motorcycle Crime Prevention Act."

"In view of the non-availability of the motorcycle plates and decals, compounded by the continuing health crisis brought about by the COVID-19 pandemic, necessitating the imposition of quarantine measures throughout the country resulting in the limited operational capacity of our office," tipik sa memo ni Galvez.

Ang memo gi-address ngadto sa tanang regional directors, assistant regional directors, ug opisyal ingon man mga kawani sa ahensya.

"...defer until further notice the implementation of the IRR's "plate provisions" or those which relate to the requirement of motorcycles to have number plates at the front and rear, is hereby formalized," tipik sa memo.

Base sa RA 11235, pamultahon og dili moubos sa P50,000 hangtod P100,000 ang mga tag-iya og motorsiklo nga di motuman sa doble plaka.

Kon mapatuman na unya ang IRR niini, anaa sa 135 millimeter ang gilapdon ug 85mm ang gitas-on sa atubangan nga plaka nga decal plate nga decal plate o sticker nga material atubangan sa motorsiklo.

Samtang anaa sa 235mm ang gilapdon ug 135mm ang gitas-on sa metal plate sa luyo sa motor.

Gawas niini, hatagan usab og 60-adlaw nga extension gikan sa Hulyo 1 ang mga mga seller ug bag-ong tag-iya sa mga motorsiklo nga iproseso ang transfer of ownership niini.

"1. The reporting of the sale or disposition by the owner of a motorcycle to the LTO within 3 days upon sale or disposition; and 2. The registration by the new owner of the motorcycle within 5 days from acquisition of ownership shall be extended for a period of 60 days from this issuance."

Samtang gipahibawo ni LTO 7 Regional Director Victor Caindec nga temporaryo nilang gisirhan ang Lapu-Lapu City Extension Office human usa ka job order ang nag-positibo sa Covid-19.

Niadto pang Lunes, Hunyo 29 dihang nahibaw-an nila nga nagpositibo kini samtang gipadayon usab nila ang contact tracing.

Gahuwat na usab sila sa resulta sa swab test sa ubang mga kawani sa maong buhatan ug nagsige ang ilang pag-disinfect sa buhatan aron makabalik na sila og operate.

Hinuon sa back office ang trabaho sa maong JO ug wa kini mohimamat sa publiko.

Sa kinatibuk-an, pito n aka mga kawani sa LTO 7 ang nagpositibo sa Covid-19, usa kanila naka-recover na.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph