SUPERBALITA CEBU

Fire sub-stations makaisyug fire safety certificate

MGA tawo o kompaniya nga molukat og fire safety certificate sa Dakbayan sa Sugbo mahimo rang adto mokuha sa mga fire sub-station nga ang ilang lugar ubos sa jurisdiction niini.

Mahimo kini sa mga mo-renew ug mo-apply human ang Cebu City Fire Station sa Barangay Pahina Central sa Natalio Bacalso Avenue gi-lockdown human pipila ka mga sakop niini positibo sa coronavirus disease (Covid-19).

Si Senior Fire Officer 2 Wendell Villanueva niingon nga mao kini ang mando ni Cebu City Fire Marshal Chief Inspector Josephus Alburo.

"Ato ning gi-jurisdictional ang pag renew ingon man ang pag apply sa fire safety certificate tungod sa pagka lockdown na sa uban namo nga fire sub-station," pasabot ni Villanueva.

Gawas sa main office, gi-lockdown usab ang fire sub-stations sa Mabolo ug Parian.

Mokabat sa 12 ka mga bombero ang nagpositibo sa Covid-19, hinuon tulo hingpit nang naka-recover.

Sa mga taga Barangay Kamputhaw, Apas, Lahug ug uban pa nga mga barangay nga duol ra ,mamahimo nga moadto sa Lahug Fire Station.

Samtang sa ang mga ana nagpuyo sa Barangay Mabolo, mahimo usab nga sa Lahug fire sub-station.

"Ang sa Mabolo kay lock down man pud sila so amo lang sa e cater ang pang release sa mga certificate," dugang ni Villanueva. Samtang sa Barangay Guadalupe, adto lang sa fire-substation.

Mga nagpuyo sa Barangay Bulacao, Labangon, Punta Princesa ug uban pang duol nga mga barangay mahimo rang adto sa Pardo fire sub-station.

"Kon asa mo duol nga mga barangay sa atong pag release, adto lang mo apply,Ayaw sa mo adto og Pahina ug Parian. Ang gipang-lockdown nga fire stations gipang-disinfect na. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph