GIPASANG-AT na sa korte ang kaso batok sa drayber sa L300 van nga sekretong mibiyahe og mga kinarton nga ilimnong makahubog, Sabado sa hapon, Hulyo 4, 2020.
Nakumpiska sa Paquibato Police Station sa Davao City Police Office ang kinarton nga “alak” nga gikarga sa usa ka L3000 van.
Sa gipahugtan nga checkpoint sa kapulisan, misugat sa ilang inspeksiyon ang kinarton nga ilimnong makahubog, hinungdan nga gikustodiya kini sa mga pulis lakip ang driver nga si Reynaldo Tumanda nga taga Panabo City.
Nasayran nga padung unta sa Barangay Malabog Proper ang L300 van nga mohatud og mga ilimnong makahubog.
Sa Omnibus guidelines sa community quarantine, usa ka kalapasan sa balaod nag pagbiyahe, pagbaligya ug pag-inom og alak ning panahon sa Covid-19 pandemic.
Sa kasamtangan, gibalhog ang suspek sa selda sa Paquibato Philippine National Police office. (Jeepy P. Compio)