Basil: Philmar ug Andi, modernong Adan ug Eba

MANILA – Sa dihang nakahukom ang aktres, Andi Eigenmann (anak ni Jacklyn Jose ug Mark Gil) nga biyaan ang showbiz aron nga mopuyo uban sa iyang uyab nga surfer nga si Philmar Alipayo sa Siargao, daghan ang kilay ang miisa.

Ang syonga-syonga kuno sa aktres ug nganong nag-decide nga biyaan ang showbiz para lang sa usa ka lalakeng taga-isla?

Bisan ang inahan ni Andi nga si Jacklyn babag kaniadto sa gihimo sa anak, pero wala siyay mahimo tungod kay ga uros-uros jud ang gugma ni Andi sa surfer.

Halos kada adlaw, adunay vlog si Andi sa ilang simpleng panginabuhi sa Siargao.

Ang ilang panud-an nga isda nga kuha ni Philmar sa dagat.

Way stress ug lunlon kalipay ang nakita sa videos kanilang duha ug kanunay silang nagtampisaw sa dagat, naa pay sayaw-sayaw (Tiktok).

Pakiramdam ko nga para silang modernong Adan og Eba

Samtang ang cute na cute nilang anak nga si Lilo maoy nikumpleto sa ilang happy life sa isla.

Kanunay nga gipakita ni Andi ang iyang mga trabaho as wife.

Siya ang nakatuka nga magluto sa isdang til-og nga maoy sagad nga kuha ni Philmar og pinaksiw ang hilig ni Andi nga lutuon.

Na-perfect na ni Andi ang pagluto og inun-unan nga isda ug gipanghinambog ni Andi ang suka sa Siargao nga hasta kunong lamia.

Sa tan-aw ko, kontentong-kuntento na si Andi sa iyang kalagayan karon sa Siargao.

Makita pa sa video nga nagkagod siya og lubi, naghigod og balanghoy para himoong puto, etc.

Sa dihang niabot ang pandemic ug nawad-an og trabaho ang mga artistang kaubanan ni Andi plus gipasara pa sa NTC ang ABS-CBN nga kanhi gitrabahoan niya.

Kon kaniadto daghan ang nakasaway kang Andi nga mga kaubanan niya sa showbiz, karon super inggit sila sa kinabuhi ni Andi sa isla kauban si Philmar ug ang anak nilang si Lilo.

Simple ang kinabuhi pero tawhay, way problema, way stress way daghang giproblema nga bayrunon.

Makasulti og ginagmayng Surigaonon na si Andi so dili na siya mabaligya sa isla, hahahaha.

Sa tan-aw ko, okey na okey jud ang kinabuhi ni Andi sa Siargao ilabi na karon nga kumikita na siya sa iyang Youtube Channel.

Definitely, wa masayop si Andi sa iyang desisyun nga miuban sa lalakeng iyang gimahal ngadto sa isla nga layo ug kabaliktaran sa mundong iyang naandan.

Saludo ako sa imo Andi ug napakasuwerte ni Philmar for having you, ilabi na karon nga aduna na mo’y bibong anak.