PNP: 861 ka pulis positibo sa Covid-19

ANG Philippine National Police (PNP) nitaho nga dugang 46 ka police officers ang natakdan sa coronavirus disease 2019 (Covid-19), nidala sa total number sa mga kaso sa iyang mga sakop ngadto sa 861.

Base sa data niadtong Sabado, Hulyo 4, 2020, ang PNP Health Service nagkanayon nga dunay bag-ong mga kaso, 25 gikan sa Police Regional Office (PRO)-Central Visayas; 19 sa National Capital Region Police Office; ug usa gikan sa PRO-Central Luzon ug PRO-Davao Region.

Samang, 407 PNP personnel ang naayo na sa maong sakit samtang namatay niabot og siyam.

Ang PNP Health Service nagsubay usab sa kaso sa 746 ka pulis ug 1,151 suspected cases.

Ang PNP nagpaabot na lang karon sa pagtugot sa Department of Health (DOH) bahin sa sugyot nga pagtukod og testing laboratory sa Central Visayas.

Niadtong Mayo 26, ang PNP niabli sa unang Covid-19 testing laboratory sa Crame sa Quezon City. Ang pasilidad makahimo og 150 tests per day.

Ang PNP personnel lakip sa frontliners nga nagpatuman sa quarantine measures sa pagsanta sa pagkuyanap sa Covid-19.

Niadtong Sabado, Hulyo 4, ang nasod dunay total nga 41,830 confirmed Covid-19 cases, uban sa 11,453 recoveries ug 1,290 deaths, sumala sa health authorities. / PNA, SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph