Editoryal: Buwan sa nutrisyon

MATAG Hulyo sa nangaging katuigan, alegre sa mga tunghaang pribado ug publiko tungod sa pagsaulog sa National Nutrition Month. Ang National Nutrition Council (NNC) sa Department of Health (DOH) maoy nangulo sa kampanya base sa Presidential Decree 491, o Nutrition Act of the Philippines, gilagdaan sa Hunyo 25, 1974.

Apan inter-agency ang mga kalihokan sama sa suporta sa Department of Education (DepEd), Department of Agriculture (DA) ug ubang ahensiya sa gobiyerno ug pribadong institusyon.

Ang NNC ug ubang ahensiya agresibo ning panahon nga mas gikinahanglan ug undanon ang pag-ila sa nutrisyon isip nag-unang panagang sa lawas batok sa Covid-19 ug bisan unsang sakit.

Maayong mamati kita sa mga batid, human dili lang kini bastabasta bahin sa pagkaon sa mga utanon ug prutas apan, importante ang balanse nga gikaon, uban sa maayong pagpakabuhi sama sa saktong ehersisyo ug pahuway.

Si DA 7 Director Salvador Diputado niingon nga dunay panginahanglan sa paghatag og gibug-aton kon unsaon sa pagpalig-on sa lawas samtang nag-atubang sa problema sa Covid-19.

Gibalikbalik sa mga batid sa panglawas sa tibuok kalibotan nga ang lig-ong resistensiya tungod sa sa maayong immune system. Makuha kini sa saktong nutrisyon.

Ang tema sa 46th Nutrition Month napili niadtong Enero 2020: 'Batang Pinoy SANA TALL... Iwas stunting, SAMA ALL!' Gitumong sa pagpakaylap sa kahibalo nga ang pagkamubo masanta. Di tanan hereditary o naa sa genes.

Sumala sa National Economic and Development Authority (Neda), ang bili sa pagkamubo taas og katugbang, 1.5 ngadto sa 3% gross domestic product (GDP) busa napili sa NNC ang pagsumpo sa pagkamubo, matod pa, ang Pilipinas usa sa 10 ka mga nasod nga ang mga bata mugbo.

Ning Covid-19 crisis, ang tukmang nutrisyon mas atong gikinahanglan. Sa ginaingon, lawas ang atong puhonan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph