SUPERBALITA CEBU

Barrita: DepEd andam na sa pagbukas sa klase?

233918

Tikdul-tikdol

NABALAKA ang mga magbabalaod kon andam ba ang Department of Education (DepEd) sa pagbukas sa bag-ong school year karong Agusto 24 ubos sa gitawag nga “new normal” ug bag-ong school system nga wa nay “face to face” nga klase tungod sa Covid-19.

Ang klaro niini, wa nay reklamo nga kuwang ang mga magtutudlo, classroom, libro, lingkoranan ug uban pa. Kay di na man sa eskuylahan magklase, online na man. Ang reklamo mao nga kuwang ang mga laptop, tablet, way koneksyon sa Internet, wifi ug uban pa.

Pero, kanus-a man nga nahimong andam 100 porsyento ang DepEd? Nangandam, pero kuwang pirmi. Buksan ang klase bisan pag di 100 porsyento nga ready. Ingon pa bitaw sa atong mga magtutudlo sa nag-eskuyla pa ta, “Finished or not finished, pass you papers.”

Sa hearing niadtong Biyernes, Hulyo 3, sa House committee on basic education, si House Deputy Speaker ug Sorsogon Rep. Evelina Escudero nipadayag sa kabalaka sa mga magtutudlo nga nitug-an kaniya nga sila “50-percent ready” ra sa pagbukas sa klase. Way detalye kon unsa nang 50 percent ready.

Samtang si Pangasinan Rep. Christopher De Venecia niingon nga ubos sa “distance learning” system nga gisugyot sa DepEd, kinahanglan mag-supervise ang mga ginikanan sa ilang mga anak. Apan naa ba ang tanang mga ginikanan sa tanang higayon aron maka-supervise sa ilang mga anak?

Kadaghanan ra ba sa mga ginikanan nanagtrabaho. Kon ang mga anak anha na lang sa balay kay di na paadtuon sa eskuylahan, sila na lay mahabilin sa balay.

Lahi ra gyud ang klase sud sa classroom. Pangutan-a lang si Allan Monterona sa San Fernando, usa sa akong classmates sa kurso nga Bachelor of Science in Secondary Education sa University of the Visayas.

Apan tungod sa Covid-19 nausab ang tanan. Apan di na angay mabalaka ang mga ginikanan kay si Education Undersecretary Nepomuceno Malaluan masaligon nga andam na ang DepEd sa ilang bag-ong learning system. Kon di magsilbi, sila maoy unang moangkon nga palpak, matod niya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph