SUPERBALITA CEBU

Mga batan-ong gi-lockdown misayaw'g apil

NAGPAHIGAYON og online dance competition ang Cebu City Sports Commission (CCSC) aron mahatagan og lingaw ang mga batan-on ning panahon sa coronavirus disease pandemic (Covid-19).

Samtang ang siyudad sa Sugbo gipaubos pa sa enhanced community quarantine (EQC), ang Cebu City Dancesports Team nimugna og online competition nga giulohan og 1st Grassroots Online Dancesports Competition ug gisugdan niadtong Hulyo 4, 2020.

Matod ni CCSC chairman Edward Hayco, nga ilang paninguhaon nga makaorganisar og ka usa sulod sa duha ka semana aron mahatagan og kadasig ang mga batan-on nga mag-training.

Ang Dancesports Team nakig-alayon sa dedikadong volunteer teachers alang sa online competition nga makita live sa Facebook.

Ang mga partisipante niini mga bata nga anaa sa poverty line ug mga estudyante sa public schools.

“Most of the kids that will join in this competition are living in the poverty line and are public school students. They've been locked down with their parents in different barangay for months,” matod ni Hayco.

Kadaghanan sa mga partisipante sa online dancesports competition nag-gikan sa mga barangay na adunay taas nga kaso sa Covid-19 sama sa Barangay Tejero, Tisa, Labangon, Pardo, Guadalupe ug Inayawan.

Aduna sab mga partisipante sa Brgy. Zapatera ug mga studyante sa City Central Elementary School.

Ang Brgy. Zapatera lahi sa Sitio Zapatera, Brgy Luz, ang unang sitio sa Sugbo nga nakatala og daghan nga mga kaso sa Covid-19.

Ang kompetisyon nakadasig sa mga batan-on nga magpadayon sa ilang pangandoy sa natad sa paugnat sa kusog.

Ang mga nagpasiugda nanghinaot nga makahatag kini og paglaum sa mga atleta nga gipaubos sa lockdown.

“This competition is aimed to give them hope, provide them a positive activity so the entire family will not be emotionally and mentally idle,” sigon ni Hayco.

Kahinumdoman nga ang dancesports nikuha og atensyon sa 30th Southeast Asian (SEA) Games niadtong Disyembre, 2019 human kini nakalabni og tulo ka gold medals.

Kining maong kalampusan maoy gihimong inspirasyon sa mga batan-on sa dancesports.

Niadtong Mayo, 2020, milangkat na sab og laing dungog ang dancesports sa Sugbo human nakabira og silver medal sila si Shardie ug Marjorie Moshenska Abellana sa Under-35 Latin Couple Dance-Rumba category sa 1st World Dance Online Competition na gipasiugdahan sa mga taga Italy.

Ang mga Abellana nagpuyo sa Alaska, Brgy Mambaling, usa sa mga lugar nga gi-lockdown gumikan kay daghan kini og mga kaso sa Covid-19 cases. /


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph