Slaughter gustong moduwa sa 2023 World Cup

HUGOT nga nag-training ang higanteng si Greg Slaughter sa Amerika ubos sa paggiya ni coach Gary Boyson sa training facility sa Daytona Beach, Florida.

Nakita kini sa mga video nga naka-post sa social media.

Sa usa ka eksklusibong taho sa SunStar Cebu, igsuon buhaton ning mantalaan, nagkanayon si Slaughter nga hugot siyang nag-training alang sa iyang tinguha nga makakuha'g puwesto sa Gilas Pilipinas nga mokampanyasa 2023 Fiba Basketball World Cup diin usa ang Pilipinas sa mo-host nga mga nasod.

Ang 7-footer nga produkto sa University of the Visayas (UV) Green Lancers nga posible sab siyang moduwa'g balik sa Philippine Basketball Association (PBA), partikyular ubos sa kampo sa Brgy. Ginebra Gin Kings.

Ang taho sa SunStar Cebu gi-post ni Slaughter sa iyang Twitter account @GWillSlaughter nga adunay caption nga "Fact check."

"I am open to returning to the PBA in the future. I love the fans who have been supporting me through everything and the 'Never Say Die' spirit will always be a part of me. Of course, I am open to playing for Ginebra in the future," pag-quote sa SunStar Cebu kang Slaughter.

Hinuon gitataw ni Slaughter nga ang iyang prayoridad mao ang makarepresentar sa Pilipinas sa 2023 Fiba Basketball World Cup.

"As a basketball player, it's my job to always stay ready. My PBA career was uncertain with no word on a contract but playing for the Philippine national team has always been a top priority for me and something I look forward to, and want to be prepared for," dugang ni Slaughter.

Si Slaughter, kinsa sakop sa orihinal nga Gilas Pilipinas ubos sa paggiya ni coach Rajko Toroman, katapusang nakarepresentar sa Pilipinas sa miaging Southeast Asian Games.

Si Slaughter, kinsa usa ka Fil-Am, miuli sa Amerika dihang napupos ang iyang kontrata sa Gin Kings pagkahuman sa miaging season sa PBA.

"I was not offered a deal by Ginebra even after my contract expired at the end of January. I found it strange because previous contract dealings I was well informed ahead of time," pasabot ni Slaughter. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph