DEAR Noy Kulas,
Just call me John, Noy Kulas. College na ko ug nag part-time og work, pero naundang ko sa work ug school kay nag-pandemic na man. Taga Mindanao ko pero naa ko sa Cebu aron motiwas og eskwela alang sa akong kaugalingong singot.
Nag-abang ra ko og kwarto sa us aka boarding house. Ako ra sa kwarto kay makaya ra nako ang abangan. Wa mi paabanga karon kay pandemic. Naa ko ginagmay nga income kay nag online seller ko og items. Karon, sa akong tupad nga kwarto ang live-in nga tomboy ug babaye, mga 25 years old. Kaning babaye nagkasuod na mi niya. Naa ni siya sa bar nagtrabaho sa una sa wa pa ang pandemic.
Karon, nitug-an siya nako nga ganahan siya ako silang tan-awon sa iyang kapuyo kon mag sex sila. Naglungag siya og gamay sa bongbong aron makalili ko. Ka usa ra ko nilili nila kay gilainan ko gatan-aw kay puro babaye. Kon kami ra mag estorya, magsige siya og pangutana ko giganahan ba ko og tan-aw ug virgin pa ba ko. Ako na siya gibakakan kay tinuod, di ko ganahan magtan-aw kay hilasan ko.
Sa virginity, ako siyang giingnan nga wa pa ko makasuway kay ka usa pa ko nakauyab sa Mindanao pero gabuwag na mi. Gusto nako makahuman og eskwela. Ingon niya nga human sa pandemic iya kong bunyagan. Unsa diay nang bunyag, Noy? Mokatawa siya kon akong pangutan-on. Unsa kaha ni siya, Noy, ganahan siya nako? Di ra ba siya maot og nawong. Patulan ba kaha ni nako?
JOHN
John,
Kanang bayhana klaro kaayong dunay gusto nimo. Pero kon magpadala ka ana niya, posibleng mamatay ang imong damgo sama sa uban nga nagpadala sa gugma sa unod. Tinuod lami nang butanga, pero sa ako nang giingon nga daghang mga damgo ang napitlok kay nadala sa gana sa lawasnong panginahanglan. Kon mailog na nimo ug mamabdos, makalikay kaha ka sa responsibilidad? O ganahan na kang mopuli og puyo ug magkapamilya bisan bata ka pa kaayo.
Unaha ang imong damgo pagkab-ot kay mas importante ni alang sa imong maayong ugma. Ang uban mosunod ra kon maayo na ang imong kinabuhi. Unaha ang pag-antos aron sa kauwahian, di ka magpint-it sa kalisod.
NOY KULAS