SUPERBALITA CEBU

Tag P1M sa barangay sugdan nag hatag

Hulagway kuha ni Philip Cerojano

GIPIRMAHAN na ni City Administrator Floro Casas Jr. ang mga dokumento pag-release sa tag P1 milyon nga financial assistance sa Cebu City Government ngadto sa 80 ka mga barangay.

Ang pundo maoy ikaduhang hugna sa ayuda nga gihatag sa administrasyon ni Mayor Edgardo Labella ngadto sa mga barangay captain human sila nakadawat og P1 milyon ngadto sa P3 milyones niadtong Abril.

Ang unang ayuda nag-agad sa populasyon sa matag barangay. Ning ikaduha, patas na.

Ang City Government nigasto og P130 milyones sa unang hugna nga nadawat sa mga kapitan niadtong Abril.

Laing P80 milyones ang i-release Miyerkules, Hulyo 8.

Si Casas nagkanayon nga makobra sa barangay treasurer ang P1 milyon nga ayuda kon nakaduso na sila og utilization report giunsa nila paggasto ang unang hinabang mga gihatag ni Labella.

Sa bag-ong guidelines, giwagtang na ni Labella ang 80 porsiyento relief goods ug 20 porsiyento sa personal protective equipment.

Ang barangay kapitan na ang gihatagan og gahom makahukom kon unsay iyang paliton.

Ila dayong ipahibawo ngadto sa mga barangay kapitan sa higayon nga mahimo nang makuha sa kapitan o treasurer ang tseke sa City Hall. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph