SUPERBALITA CEBU

80 ka tracing teams ang target ni Labella

Mayor Edgardo Labella. (File photo)

ANG Cebu City Government aduna nay 35 ka contact tracing teams alang mga nataptan sa coronavirus disease (Covid-19) sa dakbayan.

Apan target ni Mayor Edgardo Labella mao ang pag-umol og 80 ka teams alang sa 80 ka mga barangay, busa kuwang pa kining 35.

Nagpasabot nga kada barangay dunay usa ka contact tracing team alang sa paspas nga aksyon.

Ang mayor nagkanayon nga di niya igsapayan kon mosaka pa og maayo ang gidaghanon sa mga kaso sa Covid-19 sa siyudad basta makita lang ang epekto sa virus ug ma-isolate ang mga nataptan para mahatagan og medical intervention ang mga pasyente sa dali nga recovery.

Ang matag team adunay lima ka mga miyembro nga maoy mosubay sa mga naka-close contact sa mga nag-positibo.

Si Labella nagtinguha nga makakuha og 400 ka mga health worker nga langkuban sa medical technologist ug ubang trained employees sama sa nurse aron maoy mokuha og dugo para sa rapid test ug swab test.

Ang City Health Department nitala og 2,908 active cases niadtong Hulyo 6 samtang aduna nay 3,232 ang hingpit nga nakabuntog sa virus kun 53 % recovery rate samtang 221 na ang namatay.

Si Labella nagkanayon nga di problema sa Cebu City kon adunay daghang ma-isolate gumikan sa Covid sanglit adunay isolation centers para sa mga walay symptoms.

Apan iyang gipadayag nga human mimando si Environment Secretary Roy Cimatu nga di na ipagamit ang mga tunghaan isip barangay isolation centers, adto una ipahiluna ang bag-ong mga nag-positive sa New Normal Oasis for Adaptation and a Home (NOAH) sa South Road Properties (SRP).

Kon adunay mga pasyenteng may mild ngadto sa moderate nga sintomas, ang Cebu City adunay quarantine center sa North Reclamation Area nga libre ang pagpatambal. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph