BISAN gitugtan na sa Inter Agency Task Force (IATF) ang basketball ug football events nga makapahigayon og training sessions, dili lang gihapon makapanukad ang Maharlika Pilipinas Basketball League (MPBL) alang sa posibleng pagbalik sa liga.
Mismong si MPBL Commissioner Kenneth Duremdes ang miingon niini.
Kon gihangop sa Philippine Basketball Association (PBA) kining maong kalambuan, gipasabot ni Duremdes nga lisod kini nilang buhaton gumikan kay lahi ang sitwasyon sa MPBL.
"Kung conditioning lang siya with light social distancing, it's a good step for basketball and other sports, regardless if you are professional or amateur," matod ni Duremdes sa interbyu sa www.abs-cbnnews.com.
"Kaso does it include basketball all over the country? Kasi ang naka-state lang doon only professional leagues. So hindi natin alam kung iyong the rest kasama doon."
Gipasabot ni Duremdes nga ang PBA mosugod pa lang sa 45th season niini samtang ang MPBL nagpatong na sa semi-finals sa Lakan Cup dihang naundang ang ilang mga duwa gumikan sa hulga sa coronavirus disease 2019 (Covid-19).
‘Natuwa kami’: PBA welcomes gov’t OK to allow basketball practices, " dugang ni Duremdes.
"Ang ginagawa namin is nagde-design kami ng plano na iho-hold ang playoff sa iisang venue. Na doon lang lahat, walang uwian for 1 week."
Apan batbat ni Duremdes nga dili nila mapatuman ang ilang plano kon dili pa hingpit nga matugtan ang 5-on-5 nga engkuwentro.
"Mangyayari lang iyon kung ia-allow na talaga ang contact sport," pasabot ni Duremdes.
Giklaro ni Duremdes nga kinahanglang mobalik sa normal ang tanan una sila makahimo'g lakang alang sa ilang pagbalik.
"Ang hanap namin ay venue na papayag ang LGU (local government unit) dahil nagdadala kami ng players. Kasi iba pa yung sa IATF," batbat ni Duremdes. "Also, we have teams from Davao and Basilan. 'Yung mga players may mga kanya kanyang probinsya 'yun. Paano sila lilipad noon kung hindi pa regular ang flights?"
Gitataw ni Duremdes nga ning panahuna, nagkinahanglan sila og taas nga pasensya gumikan kay prayoridad nila ang kaluwasan sa tanan nilang ginsakupan. (ESL)