Caguioa makalahutay pa'g 2 ka tuig: Cone

NAGTUO si Brgy. Ginebra Gin Kings coach Tim Cone nga makalahutay pa og duha ka mga tuig ang beteranong si Mark Caguioa sa Philippine Basketball Association (PBA).

Human nakalangkat og laing Governor's Cup title ang Gin Kings sa miaging season, si Caguioa gipapirma sa Gin Kings og usa ka tuig nga bag-ong kontrata. Kini bisan igo na lang nag-average og kapin sa pito ka mga minutos nga playing time si Caguioa.

"He still wants to play," matod ni Cone nga napatik sa www.abs-cbnnews.com.

"I can see him play for another year or two at least, I really could. I mean, he takes great care of his body, he's still athletic, one of the more athletic guys in our team."

Si Caguioa, kinsa nag-edad na og 40, tigrelibo na lang alang sa Gin Kings dili sama kaniadto nga siya ang labing sinaligan sa opensa sa labing kinaham nga basketball team sa Pilipinas.

"If I can't help the team out anymore, if my body can't do it anymore, then maybe it would be time to retire, you know," asoy ni Caguioa., kinsa nahimong MVP niadtong 2012. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph